Dowlada Cusub ee Soomaaliya, ayaa Madaxweynaha Masar oo ugu Baaqay Caalamka in ay Taageeraan.

Madaxweynaha dalka Masar Dr. Maxamed Mursi oo hadal ka jeediyay shirka guud ee Qaramada Midoobay ee New York ayaa ku boorriyey beesha caalamka inay taageerto dowladda cusub ee Soomaaliya, si ay u noqoto mid cagaheeda isu taagta.
Madaxweyne Maxamed Mursi ayaa bogaadiyay isbeddelka siyaasadeed ee ka dhacay Soomaaliya, kaasoo uu ku tilmaamay ifafaalo wanaagsan oo ka soo muuqatay Soomaaliya.
Dr. Mursi ayaa sheegay in dowladdiisa ay horey u ballan-qaadday inay garab istaageyso dowladda Soomaaliya.
Magaalada New York waxaa lagu qabtay shirar gaar ah oo looga hadlay isbeddelka siyaasadeed ee Soomaaliya iyo sida beesha caalamka ay taageero ugu fidin karto dowladda cusub ee Soomaaliya.

Posted Afgooy
(Ishabaydhaba)

Comments

Post a Comment

Popular posts from this blog

Beledweyne oo ku Fatahay Wabi Shabeele

Image
Wararka naga soo gaaraya magaalada Baladweyn ee xarunta gobbolka Hiiraan ayaa sheegaya in wabiga Shabeelle uu fatahaad khasaare hantiyadeed dhalisay uu ka geystay xaafado ka tirsan magaaladaasi, kadib roobab xooggan oo ilaa xalay ka da’ayay magaalada Baladweyn iyo hareerahdeeda. Fataahaadda uu Wabiga Shabeelle ka geystay magaalada Baladweyn ayaa timid kadib daadad badan oo ka dhashay roobab saacado badan qaatay oo ka da’ay magaalada. Xaafadaha ay fatahaadda ka dhacday ayaa waxaa kamid ah Buundo Weyn, Xaawo Taako, iyo  Kutimbo, ayadoo biyaha fatahaaddu ay bur buriyeen guryo badan. Waxaa jira dad ku geeriyooday fatahaadda iyo carruur badan oo lagu la’yahay biyaha fatahaada. Dadka reer Baladweyn ayaanan garaneynin meel ay u barakacaan maadaama buuraha waaweyn ee magaalada oo markii hore loo barakici jiray ay hadda degganyihiin Ciidamada Itoobiya. Posted Afgooy (Ishabaydhaba)
Read more