Mombasa Ciidamada Booliska Kenya ayaa sheegay inay dileen labo nin

Ciidamada Booliska Dalka Kenya ayaa sheegay inay barqadii maanta magaalada Mombasa ku dileen labo nin oo loo maleynayo inay ku lug lahaayeen falal argagixiso kaddib markii rasaas ay is dhaafsadeen booliska iyo kooxda la weeraray.
Ku xigeenka madaxa dambi baarista ee gobolka Xeebta John Gachomo ayaa warbaahinta u sheegay in sidoo kale howlgalka lagu xiray labo nin oo kale, halka afar kalena ay goobta ka baxstay.
Howlgalka ayaa ka dhacay xaafadda Majengo oo ay booliska weerareen guri ay ku sugnaayeen kooxda argagixisada ahayd.
Sarkaalka wuxuu sheegay inay qabteen saddex bam gacmeed, hal bastoolad iyo 37 xabbo oo rasaas ah.
Dhacdada ayaa timid 24 saac kaddib markii bam gacmeed laga dhex helay bas rakaab ah oo ka howlgala Mombasa.
 Posted Afgooy
(BY Ishabaydhaba)

Comments

Post a Comment

Popular posts from this blog

Beledweyne oo ku Fatahay Wabi Shabeele

Image
Wararka naga soo gaaraya magaalada Baladweyn ee xarunta gobbolka Hiiraan ayaa sheegaya in wabiga Shabeelle uu fatahaad khasaare hantiyadeed dhalisay uu ka geystay xaafado ka tirsan magaaladaasi, kadib roobab xooggan oo ilaa xalay ka da’ayay magaalada Baladweyn iyo hareerahdeeda. Fataahaadda uu Wabiga Shabeelle ka geystay magaalada Baladweyn ayaa timid kadib daadad badan oo ka dhashay roobab saacado badan qaatay oo ka da’ay magaalada. Xaafadaha ay fatahaadda ka dhacday ayaa waxaa kamid ah Buundo Weyn, Xaawo Taako, iyo  Kutimbo, ayadoo biyaha fatahaaddu ay bur buriyeen guryo badan. Waxaa jira dad ku geeriyooday fatahaadda iyo carruur badan oo lagu la’yahay biyaha fatahaada. Dadka reer Baladweyn ayaanan garaneynin meel ay u barakacaan maadaama buuraha waaweyn ee magaalada oo markii hore loo barakici jiray ay hadda degganyihiin Ciidamada Itoobiya. Posted Afgooy (Ishabaydhaba)
Read more